-6 C
Скопје

Аргентинците и го срушија сонот за светска титула на Србија

Репрезентацијата на Аргентина е првиот полуфиналист на Светското првенство во кошарка кое се одржува во Кина. „Гаучосите“ со 97:87 ја совладаа фаворизираната Србија, која според многумина беше прв фаворит за титулата, и притоа ја оставија и без директен пласман на Олимписките игри во Токио идната година.

 

„Гаучосите“ им отчитаа вистинска лекција по модерна кошарка на српските репрезентативци, кои во последните два натпревари покажаа дека нивната игра има многу слабости и дека сè уште не се подготвени за освојување на кошаркарскиот Олимп. Ветеранот, 39-годишниот Луис Скола во поголем дел од натпреварот си поигруваше со помладите кошаркарски центри на Србија, Факундо Кампацо правеше тоа што сакаше на теренот, а притоа шутот одлично ги служеше „гаучосите“ и не претставува изненадување што ја елиминираа фаворизираната Србија.

Прочитајте и...  Премиер лигата најде начин како да им се извини на навивачите поради празните стадиони

Доминацијата на Аргентина беше прикажана и со тоа што и дозволија на Србија само четири пати да биде во водство, а последното беше на стартот од последната четвртина (70:68), но тоа беше се што сторија српските кошаркари.

Аргентинците победата ја најавија во последната четвртина кога направија серија од 19:6 и обезбедија двоцифрена предност. Мала надеж внесоа двете тројки на Богдан Богдановиќ на 80 секунди до крајот за 85:91, но „гаучосите“ со смирена игра и сигурна реализација, не дозволија неизвесна завршница.

Ветеранот Луис Скола со 20 поени беше најефикасен во победничкиот тим, додека Кампацо има учинок од 18 поени и 12 асистенции.

Кај Србија, прво име беше Богдановиќ со 21 постигнат поен, Бјелица даде 18 поени, додека Јокиќ сите 16 поени ги постигна во првото полувреме.
Противник на Аргентина во полуфиналето на Мундобаскетот ќе биде подобриот од четвртфиналниот дуел САД – Франција.

Прочитајте и...  ВИДЕО: Нов трипл-дабл на Дончиќ, трите ѕвезди на Бруклин ги победи еден играч

Поврзани вести

Премиер лигата најде начин како да им се извини на навивачите поради празните стадиони

Слободен печат

ВИДЕО: Нов трипл-дабл на Дончиќ, трите ѕвезди на Бруклин ги победи еден играч

Слободен печат

ВИДЕО: Погба со еврогол го враќа Манчестер јунајтед на врвот!

Слободен печат

ВИДЕО: Роналдо за историја, Елмас и Наполи без Суперкуп трофејот!

Слободен печат

Румениге: Би имало смисла Европското првенство да се игра во една земја!

Слободен печат

ВИДЕО: „Граѓаните“ во финишот го скршија отпорот на Астон Вила!

Слободен печат

Остави Коментар