Аргентина е првата латиноамериканска земја која ја одобри руската вакцина против коронавирусот
Аргентина даде одобрување за употреба на руската вакцина против коронавирусот, пренесуваат тамошните медиуми.
Информацијата ја потврди и Рускиот фонд за директни инвестиции, произведувач на руската вакцина. Аргентина претходно ја одобри употребата на вакцината на Фајзер. Аргентина е прва латиноамериканска земја која и официјално ја одобри вакцината „Спутник V“.
Вакцината официјално е одобрена за итна употреба врз основа на резултатите од третата фаза на клиничките тестирања спроведени во Русија и без дополнителни тестирања во Аргентина, се вели во соопштението на Рускиот фонд.
Како што јавуваат руските и аргентинските медиуми, во Москва веќе се наоѓа авион од Аргентина кој пристигнал по руските вакцини.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот