АПСЕЊЕ НА ГРАНИЦАТА МЕЃУ ФРАНЦИЈА И ШПАНИЈА: Демонстранти го блокирале преминот, камион тргнал кон нив (ВИДЕО)
Француската полиција денеска уапсила 18 демонстранти кои се борат за независност на Каталонија.
Полицијата користила солзавец и палки за да ги растера демонстрантите, кои повеќе од 24 часа го блокирале главниот граничен премин меѓу Франција и Шпанија.
Полицијата потоа почнала да изнесува возила и отпад и најавила дека повторно ќе го отвори автопатот за сообраќај неколку часа подоцна, јавуваат тамошните медиуми.
Полициската акција предизвикала помали конфликти со демонстрантите, а регионалната управа соопштила дека никој не е повреден во операцијата која траела цело утро.
Неколку стотици демонстранти останале околу преминот Ла Жонкуер, а покрај нив стоела и шпанската каталонска регионална полиција.
Во еден момент кон насобраните демонстранти тргнал камион, кој опколените протестанти го гаѓале со што ќе стигнат.
Планираниот тридневен протест почнал вчера, во организација на тајна активистичка група под назив „Демократско цунами“, која досега има организирано многу протести, од кои и неколку насилни, а откако десетици каталонски сепаратистички лидери беа осудени минатиот месец поради акција за независност на Каталонија.
Администрацијата за регион на Источните Пиринеи на југ во Франција, соопштила дека операцијата за разбивање на демонстрантите биле изведена во тесна соработка со Шпанија.
In spain ,French and Catalan police remove protesters from border point#Newsnight #newsfile #NewsZERO #NewsAlert #News1st #news #French #Spain #France #France #protestas #protest #protests #protesters #protesta #PoliceBrutality #Police #PoliceBrutality #PoliceTerrorism #Police pic.twitter.com/Z8dWhmn4fD
— codedtestament (@codedtestament1) November 12, 2019