Апсења во Црна Гора: Приведени 45 лица поради нередите во Подгорица
Полицијата наведува дека 45 лица се уапсени поради напад на полициски службеници и инциденти кои се случиле на 29 декември.
За време на протестите поради усвојување на Законот за слобода на вероисповед во Подгорица се уапсени 45 лица, соопшти полицијата, која порачува дека превентивното делување ќе продолжи и за време на новогодишните празници, пренесува „Блиц“.
Се наведува дека 45 лица се уапсени поради напад на полициски службеници и инциденти кои се случиле на 29 декември.
Од полициската Управа напоменуваат дека за време на новогодишните празници ќе продолжат со превентивно делување во сите делови на главниот град, за да се одржи стаблноста на јавниот ред и мир.
Синоќа во Подгорица, за време на превентивни активности во сите делови на градот, се уапсени 35 лица поради напад на полициски службеници и инциденти.
– Осум лица се уапсени поради напад на полицајци и каменување на полициски службеници. Останатите ќе бидат процесуирани поради предизвикување на инциденти на подрачјето на главниот град – прецизираат од полицијата.
Во Зета синоќа беа приведени 10 лица кои, како што се навеува, се собирале и подготвувале предизвикување на нереди.
– Кај едно од приведените лица полицијата пронајде т.н. фантомка, палка и средство за комуникации, а за ова лице се преземаат соодветни полициски активности – се наведува во соопштението.
Потсетуваат дека се процесуирани 27 лица поради кривични дела и прекршоци извршени на територијата на Црна Гора, поради инцидентите кои се случуваа во претходните денови.