Мерцедес го обезбеди својот прв двоен подиум годинава во шампионатот на Формула 1 откако Луис Хамилтон заврши на второто место, а Џорџ Расел беше трет на ГН на Шпанија минатиот викенд, трка на која победи Макс Верстапен.

– Каков резултат за нашиот тим. Дефинитивно не очекувавме дека ќе го имаме овој резултат, затоа да му симнам капа на мојот тим кој продолжува да притиска и да се приближува до Ред Бул. Мислам дека Ред Бул е сè уште е пребрз во моментов, но ние работиме на тоа. Чекор по чекор и ако успееме да му се приближиме до крајот на годината, тоа би било прекрасно, а ако не, следната година – вели Хамилтон.

Хамилтон имаше импресивен настап претекнувајќи го Карлос Саинц од Ферари, а Расел напредуваше девет места до третото место и го спречи задоцнетиот налет од Серхио Перез во автомобилот на Ред Бул.

– Ова е знак за работите за кои се надеваме дека ќе дојдат. Ако се споредиме со другите момци, Астон и Ферари, ние сме само побрзи и побрзи. Навистина ми е мило што сум на подиумот – изјави Расел.

Хамилтон заврши на шестото место во шампионатот за возачи минатата година, а Расел заврши на четвртото место. Оваа година Хамилтон е тој што моментно е на четвртото место, а Расел е едно место зад него.

Тоа беше првата трка оваа сезона во која Мерцедес го покажа својот надграден автомобил, со надеж дека ќе ги надмине своите сегашни ривали како Астон Мартин и Ферари, иако Ред Бул се уште е далеку пред сите други.