Апелација го укина куќниот притвор за Миле Јанакиески

Миле Јанакиески
Миле Јанакиески /Фото: Слободен печат/Драган Митрески

Апелацискиот суд во Скопје денеска го укина куќниот притвор за Миле Јанакиески, кој е обвинет во неколку предмети на поранешното Специјално јавно обвинителство. Информацијата ја соопшти Кривичниот суд.

„Апелациониот суд Скопје до Основниот кривичен суд Скопје на 18.11.2021 година достави решение … со кое второстепениот суд, постапувајќи по жалбата изјавена од одбраната на М.Ј., обвинет во предметите … „Т.Н.Т.“, „Титаник“, „Талир“, „Топлик“, „Траекторија“ и „Шпански скали“, ја уважи жалбата за укинување на мерката куќен притвор. Според решението на Апелациониот суд, на обвинетиот му се определуваат мерки за претпазливост, односно: забрана за напуштање на територијата на РСМ и Град Скопје, обврска обвинетиот да се јавува во судот и забрана за издавање на друга патна исправа“, стои во соопштението на Кривичниот суд.

Јанакиески во ќуќен притвор помина три години, а со денешната одлука ова значи дека Јанакиески од денеска ќе се брани од слобода во судските процеси во кои е обвинет. Првпат му беше одреден притвор на 14 ноември 2018 година.

 

Видео на денот