Тодор Ѓорѓиески од Крушево починал во саботата во Холандија, па сега се прават напори преку социјалните мрежи да се платат сите трошоци за неговото тело да се донесе во Македонија, стои во апелите на социјалните мрежи.

Од неговото семејство информираат дека сопственикот на фирмата во која работел Ѓорѓиески ќе го плати транспортот, но потребни се финансии и за други трошоци.

На социјалната мрежа Фејсбук отворена е донација од Игор Јованов, кој работи во транспорт во Шведска, со лимит од високи 36.207 долари (29.455 евра). Како што вели тој, таа бројка е толкава со цел што побрзо да бидат собрани парите и предадени на семејството.

Ѓорѓиоски почина на 54-годишна возраст, а долги години бил спортски активен најпрво како одбојкар, а подоцна и како одбојкарски тренер во Крушево. Последните неколку години работеше во транспортот ширум Европа.

Тошо Ѓоргиески од Крушево ненадејно почина во Холандија. Трошоците за транспорт се големи, потребно е да помогнеме на семејството достоинствено да го испрати.
Мин. сума за донација е 5$, доколку не сте во можност да донирате барем споделете https://t.co/H2d8YMKqJ8

— Калиси (@MajkaNaZmejovi) January 4, 2021