Директор на јавно претпријатие во Делчево си ја вработил ќерката, па заработи прекршочна пријава. Антикоруциската комисија, постапувајќи по случајот, утврди дека како орган треба да биде известена од страна на директорот дека вработува блиско лице, но тоа не го сторил, со што ги прекршил процедурите за вработување.

Инаку, неговата ќерка, согласно целокупната документација која била на располагање на антикорупционерите, претходно повеќе пати била ангажирана со договор за вработување преку агенција за привремени вработувања. ДКСК континуирано апелира апелира јавните институции и органи да не ангажираат лица со привремени вработувања преку агенции, бидејќи тоа создава конкурентска предност при изборот на кандидати од јавниот оглас.