Анти-Г7 демонстрации: 68 апсења и 38 изречени мерки притвор

Според префектурата Пиринеј-Атлантик, 68 лица биле уапсени, а 38 биле задржани во притвор, на демонстрациите против Г-7 во Бајон, соседен град на Биариц, јавува дописникот на МИА.

Додека Г7 официјално започна вчера вечер во Биариц, протестното движење, кое започна претходно оваа недела со контра-самитот, продолжува и денеска.

Противниците на Г7 се многубројни, а тие вчера покажаа дека имаат намера да го дадат на знаење, насекаде и со сите можни средства. Повикот за голем собир беше објавен пред неколку недели. Утрото се одржа собир во Хендаи, граничен град со Шпанија, под раководство на колективно здружение за борба против глобализацијата, еколозите, синдикати и политички партии.

Под знамето „Г7 Ез” („Г7 не”, на баскиски) и под жешкото сонце, имаше скоро 15.000 демонстранти. Поворката помина 4 километри до Фикоба, конгресен центар преку границата во Ирун, каде што оваа недела се одржуваа дебати и конференции во контекст на контра-самитот.

Многу семејства, млади луѓе со пароли во прилог на екологијата, Шпанците и другите националности беа присутни на контра-самитот.

За организаторите, вчерашната утринска демонстрација беше „голем успех”.  Настанот главно се одржуваше во особено мирна и пацифистичка атмосфера и, зачудувачки за деновиве во регионот, без видливи полициски сили по патот на поворката.

Друга беше атмосферата во Бајон во попладневните часови, каде се очекуваше и стравуваше мобилизација на „анти-самитот”, што го потврдија многу импресивните полициски сили кои го опседнаа градот уште од раните утрински часови. Продавниците во најголем дел ги спуштија железните завеси, па дури и ги заштитуваа своите прозорци со големи дрвени штици. До 18 часот, градот беше изненадувачки тивок, пред да започне поворката на повеќе од 500 луѓе.

На влезот во Понт Сент Ескрит, кој се протега на Адор, демонстрантите беа блокирани и одвраќани со млазници вода, а потоа и солзавец. Во поворката, многу учсеници носеа фантомки и фрлаа камења против силите на редот. Разочарани од утринските демонстрации, некои „црни блокови” кои ги идентификуваше полицијата беа распоредени во областа Петит Бајон, пред да се обидат да извршат напади низ целиот град.

Во раните вечерни часови, ситуацијата сè уште беше напната. Демонстрациите завршија околу 20:30 часот.

Префектурата Пиринеј-Атлантик објави дека се уапсени 68 лица, а 38 се задржани во притвор. Мерката притивор е изречена „особено за учество во група за извршување насилство или деградација, поседување предмети што би можеле да се користат како оружје за намена, прикривање на лице и фрлање проектил”

Нови мобилизации се очекуваат и денеска во Бајон. Првично беа планирани на најмалку седум места околу Биариц. Конечно, заради „преголемата полициска машинерија” и да се обезбеди сигурност на демонстрантите, „ќе се организира нова акција во форма на народен ѕид со цел да се осуди состојбата на опсадата во која се наоѓа на Баскиската земја и кршењата на правото за да се демонстрира “.

Прочитајте и...  ДИК го отфрли барањето на Чулев за решението за новиот началник на СВР Тетово

Прочитај повеќе

Даночна управа на Црна Гора: Митрополијата црногорско-приморска мора да плати долг

Слободен печат

Пониски трошоци за компаниите: Кинеската централна банка воведува нов економски стимул

Слободен печат

Палмер: Сите кои ќе му се приклучат на Додик ризкуваат американски санкции

Слободен печат

Косовскиот вицепремиер Хоти нападнат со јајца

Слободен печат

Нови 14 заболени во Јапонија од коронавирусот

Слободен печат

Една картичка за цела Европа: Нова стратегија на ЕУ за интегриран пазар на плаќања

Слободен печат

Остави Коментар

13 − 5 =

Прочитај повеќе

Втор ден од Меѓународниот натпревар во уметничко лизгање „Skopje on Ice” (ГАЛЕРИЈА)

Слободен печат

Во Индија пронајдени резерви од 3.000 тони злато

Слободен печат

Истече рокот за доставување ценовници за платено политичко рекламирање на медиумите

Слободен печат

Хрватскиот конзул во Барселона под истрага поради перење пари

Слободен печат

ДИК го отфрли барањето на Чулев за решението за новиот началник на СВР Тетово

Слободен печат

Мицкоски најави проекти во енергетиката и екологијата

Слободен печат