Анте Гаџа и официјално доаѓа во Вардар! (ВИДЕО)
Хрватскиот плејмејкер потпиша договор на две години со „црвено-црните“.
Како што информира хрватскиот веб портал „24sata.hr“, Анте Гаџа (28) од следната сезона ќе ги брани боите на македонскиот и европски шампион.
Тоа што со денови се најавуваше, тоа сега доби и потврда. Хрватскиот ракометар кој игра на позицијата среден бек, го напушти ППД Загреб и сега може да се фокусира на „црвено-црните“ бои.
Изворот вели дека плејмејкерот потпиша договор на две години за Вардар.
– Вардар после заминувањето на Сташ Скубе бараше некој на мојата позиција. Му се јавија на мојот менаџер кој ме праша дали би сакал да одам таму и реков: Секако! Реков дека би сакал да дојдам, бидејќи Вардар е европски шампион и тоа е уште еден чекор напред во мојата кариера – рече Гаџа.
Новото засилување очекува воедно Вардар да биде повторно оној стариот кој ќе доминира на терените.
– Многу играчи останаа и ги продолжија договорите, така што се надевам дека ќе успешна сезона и дека ќе ги исполниме целите кои новиот газда ќе ни ги постави. Со Загреб се разделив во одлични однови. Ја разбираат мојата одлука и ми посакаа среќа. Можам само да кажам дека би беше навистина убаво во дресот на ППД Загреб – додаде Гаџа.
Оваа сезона во ЛШ постигна 40 голови, а пет сезони играше и за Нексе во ЕХФ купот.