Претседателскиот кандидат на демократите, Џо Бајден, води со 10 процетни поени пред шефот на државата, Доналд Трамп според популарноста меѓу избирачите, вели најновата анкета спроведена од истражувачката служба „Ју гов” по нарачка на телевизијата „Си-Би-Ес“. 

Анкетата, спроведена на точно осум недели пред претседателските избори на 3 ноември, покажува дека за Бајден ќе гласаат 52 отсто од испитаниците, а за Трамп – 42 отсто. Околу три отсто изјавиле дека би гласале и за друг кандидат, а три отсто нема да поддржат никого. 

Притоа се вели дека меѓу поддржувачите на Бајден,  49 процети кажале дека ќе гласаат „главно против” Трамп, а 32 отсто „главно” поради тоа што им се допаѓа поранешниот потпретседател на САД. 

Меѓу оние кои го поддржуваат Трамп, 73 проценти ќе гласаат „главно” поради тоа што им се допаѓа актуелниот претседател, а 18 отсто поради тоа што не им се допаѓа Бајден.