Анкета за Јуроп електс: ВМРО-ДПМНЕ 42.6 %, СДСМ 36.6 %
Ако изборите во Република Македонија се одржат утре, ВМРО-ДПМНЕ ќе извојува убедлива победа со 6 проценти предност пред СДСМ, што е за повеќе од 4% повеќе од претходните парламентарни избори одржани во 2016 година, потврдува анкетата на ИПИС објавена на платформата Јуроп електс.
Анкетата е направена од 14 до 17 септември 2019 година на репрезентативен примерок од 1109 испитаници.
Ако се има предвид дека испитаниците не се поделени по етничка припадност, разликата меѓу ВМРО-ДПМНЕ и СДСМ во македонскиот блок е повеќе од 10% или изразено во гласови на изборите, повеќе од 100.000 гласа во корист на опозициската партија.
За поткрепа, со истите информации излезе и претседателот на ВМРО-ДПМНЕ Христијан Мицкоски пред повеќе од еден месец, кој во интервју рече дека јавното мерење на јавното мислење оди во насока на тоа дека поддршката на ВМРО-ДПМНЕ се зголемува, а поддршката на СДСМ опаѓа.