Анкета: Секој петти Американец загубил роднина или близок пријател за време на пандемијата на ковид-19
Дури 20 проценти од Американците рекле дека изгубиле роднина или близок пријател како последиица на коронавирусот, покажува новата анкета спроведена од „Асошиејтед Прес“ (АП) и Центарот за јавни истражувања НОРЦ по повод една година од прогласувањето на пандемијата.
Заедниците со обоена популација се потешко погодени од коронавирусот. Така, анкетата покажа дека 30 проценти од Афроамериканците и Хиспанците изгубиле роднина или близок пријател за време на епидемија, додека тој процент кај белците е дури за половина помал и изнесува 15 проценти.
Утврдено е дека се намалува и загриженоста во јавноста за вирусот, како и дека фрустрацијата поради примена на санитарни мерки е изразена дури и од луѓе кои жалат за загубата на некого за време на епидемијата.
Иако вакцините несомнено доведуваат до крај на пандемијата, една третина од Американците немаат намера да се вакцинираат, а таков став пред се имаат помлади луѓе, граѓани без факултетска диплома и републиканци.
Бројот на смртни случаи од коронавирус во САД достигна 529.000.