Според анкета на „Алфа рисрч”, ГЕРБ-СДС би победила на парламентарните избори во Бугарија на 11 јули – 20,3%, 2% по нив останува партијата на Слави Трифонов „Има таков народ  – 18,2%, јави дописникот на МИА во Софија.

Третата политичка сила во Бугарија останува Бугарската социјалистичка партија, која влезе во почетокот на предизборната кампања со 14,4%, а потоа партијата на поранешниот министер за правда Христо Иванов „Демократска Бугарија” со 11,9%. Петта политичка сила во моментот е Движењето за права и слободи, кое доби 9,9%, „Исправи се„Мафијата надвор”, на поранешниот народен правобранител Маја Манолова би имала поддршка од 5,3%.

Според анкетата по санкциите на САД против двајца бугарски олигарси, гласот за ГЕРБ се намали за 2%, што е негов најзначаен пад за толку краток период во споредба со 4 април, кога беа одржани редовните парламентарни избори ГЕРБ почнува да губи позиции, не само во Софија, туку и во другите поголеми градови во Бугарија.

Патриотската коалиција од ВМРО/НФСБ/Волја останува со поддршка 3,4 отсто.