Анкета: Околу 66 отсто од Шпанците нема да патуваат летово

Luis Tejido / EPA

Туризмот учествува со 12 отсто од бруто домашниот производ на Шпанија.

Според анкетата на шпанскиот Центар за социолошки истражувања 65,7 проценти од Шпанците нема да одат на одмор ова лето, поради здравствената и економската криза предизвикана од новиот коронавирус.

Резултатите од анкетата покажуваат дека 40,8 отсто од Шпанците се загрижени за здравствената состојба поради Ковид-19, а 34 проценти од нив од финансиската криза како резултат на пандемијата.

Шпанија, една од најпогодените земји од епидемијата Ковид-19 во Европа, ќе ги отвори своите граници в понеделник и ќе овозможи туристички патувања. Границата беше затворена на 13 март за да се спречи ширењето на заразата. Границата ќе биде отворена за жителите на земјите-членки на шенген зоната, додека границата со Португалија ќе биде отворена на 1 јули.

Туризмот учествува со 12 отсто од бруто домашниот производ на Шпанија.

Повеќе од 80 милиони туристи минатата година ја посетија Шпанија, што беше рекордна година, но сега плажите се празни, хотелите допрва ќе отвораат, а илјадници работници се надеваат дека ќе се вратат на работа.

Во понеделникот по три месеци првпат пристигнаа странски туристи на Балеарските Острови во рамките на пробната програма.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот