Анкета на арапските држави покажува дека Ердоган е најпочитуван лидер

EPA-EFE/STR

Турскиот претседател Реџеп Тајип Ердоган е најпочитуваниот лидер во арапскиот свет, покажува анкета на арапската редакција на Би-Би-Си.

Анкетата цитирана од весникот Акшам е направена врз 25 илјади млади лица од 11 држави – Тунис, Алжир, Судан, Палестина, Мароко, Египет, Јордан, Либан, Ирак, Јемен и Либија.

Ердоган е убедливо на првото место со подршка од 51 отсто. Владимир Путин е со поддршка од 28 отсто, а претседателот на САД, Доналд Трамп – 12 отсто од младите во арпаскиот свет. Во Судан и во Јордан поддршката за Ердоган е над 75 отсто, додека Путин „води“ во Либија, Либан и во Египет.

Во истата анкета државите од тој регион укажуваат дека најголема закана за нив е Израел. Според Јемен и Ирак тоа е Иран, додека во Ирак на второ место е САД.

Од анкетираните 13 отсто млади изјавиле дека не се религиозни во споредба со 8 отсто во анкета од 2013 година. Најмногу оддалечување од религијата пред се е забележливо кај лица под 30 години – 18 отсто. Во Тунис тој процент е 30 отсто, а во Либија – над 20 отсто.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот