7 C
Скопје

Анкета: Мнозинството Германци сакаат олеснување на мерките

Колку подолго трае заклучувањето, толку повеќе се намалува поддршката на германските граѓани за владините мерки, покажуваат најновите резултати од анкетата на весникот „Велт”.

Според анкетата објавена денеска, 63 проценти од граѓаните сè уште ги поддржуваат мерките. Во ноември процентот беше 69, а во септември дури 73 проценти.

Во исто време, мнозинството од 59 проценти од граѓаните сакаат релаксирање на мерките. Во ноември само 43 проценти од испитаниците изјавиле така, објави „Дојче веле”.

Огромно мнозинство од 95 проценти велат дека ги почитуваат правилата. Единствено отстапување се забележува кај млади луѓе на возраст од 18 до 25 години. Тука, секој осми испитаник вели дека не ги следи правилата за време на пандемијата.

„Политичарите сметаат дека поддршката за мерките исчезнува”, пишува „Велт”.

Тековната блокада трае до 7 март, а во среда (3 март) канцеларката Ангела Меркел ќе се состане со покраинските премиери на видео конференција за да одлучат како ќе се продолжи.

Во моментов, во повеќето провинции се отворени само продавниците за основни намирници, како што се супермаркетите, аптеките и бензинските пумпи.

Од понеделник и фризерите ќе имаат право да работат.

Во повеќето провинции, училиштата се повторно отворени, но на некои места одделенијата се проретчени или родителите сè уште можат да ги чуваат своите деца дома.

Покрај тоа, забранети се собири на приватни простори. Дозволена е средба најмногу со една личност која не е од сопственото домаќинство.

Здружението на лекари за интензивна нега бара заклучувањето да се продолжи до крајот на март, бидејќи последниве денови бројот на новорегистрирани инфекции во Германија повторно се зголемува – околу 8.000 на ден.

Масовната вакцинација се очекува во април, со надеж дека до лето секој граѓанин ќе има можност да се вакцинира.

Во анкетата објавена од „Велт”, 69 проценти од граѓаните сакаат да се вакцинираат. 

Прочитајте и...  🔴 СЛЕДЕТЕ ВО ЖИВО: Денешниот Утрински брифинг од 7.30 до 10.30 е во тек!

Поврзани вести

Фаучи: Сите вакцини против ковид-19 одобрени во САД се безбедни

Слободен печат

Искра Михајловска: Архитектите се должни да помогнат да се избегнат итарпејовските манипулации при градењето и заштитата на објектите

Александра Бубевска

Индија со рекорден број на новозаразени, Мумбај се подготвува за целосно затворање

Слободен печат

Германски експерт предупредува: Полицискиот час е контрапродуктивен

Слободен печат

Ирската комисија почна истрага против Фејсбук откако беа објавени личните податоци на корисници

Слободен печат

Филипче до медицинските лица: Благодарност до сите заслужни за професионалноста, одговорноста и енергијата

Слободен печат

Остави Коментар