Анкета: Џо Бајден ја губи поддршката од Американците

Џо Бајден / Фото: EPA-EFE/Oliver Contreras / POOL

Последните сондирања на јавното мнение во САД покажуваат дека имиџот на американскиот претседател Џо Бајден претрпува значителни последици поради кризите што избија во последните недели, пренесува агенцијата Анадолија.

Резултатите од анкетата, спроведена од Асошиетед прес (АП) и истражувачкиот центар НОРЦ, покажаа дека поддршката за Бајден за еден месец е опадната од 54 на 50 проценти, додека во јули изнесуваше 59 проценти.

Поддршката за Бајден меѓу поддржувачите на неговата Демократска партија од јули опадна од 92 на 85 проценти, а кај оние кои не се одлучуваат за каква било политичка опција, падот е од 62 на 38 проценти.

Во март годинава, анкетите покажуваа дека 60 проценти од Американците го поддржуваат лидерството на Бајден во американската економија, а во септември тој процент на поддршка се намали на 47 проценти.

АП тврди дека резултатите од анкетата се ехо на американското повлекување од Авганистан, американскиот третман на мигрантите од Хаити на јужната граница, ширењето на новиот бран на делта сојот на коронавирусот и договорањата на Бајден да добие одобрување од Конгресот за неговите економски , инфраструктурни и даночни политики.

Учесниците во анкетата, кои изјавија дека се колебаат во перформансот на претседателот Бајден, сепак му дадоа предност пред неговиот претходник Доналд Трамп, бидејќи токму од него тој ја презеде веќе почнатата борба против пандемијата и веќе одобреното повлекување на армијата од Авганистан.

Извор: МИА

Видео на денот