Анкета: 62 отсто од Американците се незадоволни од Трамп

Фото: EPA

Шест од десет Американци не го одобрува начинот на кој американскиот претседател Доналд Трамп ја извршува својата функција, покажуваат резултатите од  најновата анкета што денеска ја објавија американската новинска агенција Асошиејтед прес и НОРЦ Центарот за истражување на јавните прашања.

Според истражувањето, сепак постои некоја поддршка на економската политика на Трамп, но начинот на кој тој ги решава другите прашања е слабо оценет.

Како што се наведува, само 36 отсто од Американците го одобрува начинот на кој Трамп ја извршува својата работа како претседател, додека 62 отсто не се задоволни.

Истражувањето е спроведено откако се случија инцидентите со пукање во Тексас и Охајо во кои загинаа десетици луѓе и кои ги поттикнаа Американците да бараат реакција од властите.

Во анкетата, спроведена од 16 до 20 август, учествувале 1.055 возрасни граѓани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот