Анѓушев однапред договорил само еден мандат со Заев – Слободен печат
ВестиЕкономија

Анѓушев однапред договорил само еден мандат со Заев

Анѓушев му се заблагодари на премиерот Зоран Заев за укажаната шанса да биде вицепремиер за економски прашања на предлог од стопанските комори.

Во емисијата „Економски магазин“ на Алсат ТВ вицепремиерот задолжен за економски прашања, Кочо Анѓушев, синоќа рече дека со Владата однапред се договорил да работи само еден мандат, а потоа да продолжи како стопанственик.

Тој наведе дека крајот на својот мандат го гледа како вицепремиер на Влада што креира политики, а не на предизборна Влада.

– Најпрво да кажам дека некои од компаниите каде што имам удели имаат пад од 50 отсто во профитот. Како прво тие не учествуваат на тендери и не добиваат државна помош, потоа други деловни партнери не сакаат да соработуваат затоа што се плашат бидејќи јас сум владин функционер и на крај, јас отсуствувам и не сум таму за да ги креирам економските политики, рече Анѓушев во своето телевизиско гостување.

Анѓушев му се заблагодари на премиерот Зоран Заев за укажаната шанса да биде вицепремиер за економски прашања на предлог од стопанските комори.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close