Манчестер јунајтед и Ливерпул иако се наоѓаат пред најважниот дел од сезоната, но во исто време се подготвуваат за летниот преоден рок каде целиот фокус ќе биде насочен кон еден фудбалер.
Јунајтед кој сигурно ќе заврши на второто место во Премиер лигата и на крајот од месецот го очекува финалето во Лигата на Европа против Виљареал и Ливепрул кој се бори да го дофати четвртото место на табелата и да игра во ЛШ, се заинтересирани за англискиот репрезентативец, Џејдон Санчо.

Манчестер јунајтед кој успеа да се договори со Единсон Кавани да потпише нов едногодишен договор со што најверојатно се откажа од евентуален трансфер на Хари Кејн и Ерлинг Халанд, го означи Санчо како приоритет во летниот преоден рок.
Ливерпул исто така планира да достави понуда до Борусија Дортмунд бидејќи Клоп во Санчо го гледа идниот лидер на тимот.

И двата англиски премиерлигаши ќе се обидат да дојдат до договор со Борусија пред Европското првенство за да избегнат еветуално зголемување на цената. Германскиот тим бара 90 милиони евра за Санчо и се чини дека во овие моменти и двата тима се подготвени да ја платат бараната сума, па ќе остане на самиот фудбалер да избере во кој клуб сака да ја продолжи кариерата.