Асоцијацијата на европски клубови со која претседава првиот човек на Јувентус, Андреа Ањели, планира во соработка со УЕФА да предложи промени во форматот на натпреварување во Лигата на шампионите  но таа идеја веднаш наиде на сериозен отпор, од англиските екипи.

Ањели планира да предложи од сезоната 2024/25 година,  32. екипи наместо во сегашните осум групи, да бидат поделени во четири групи со по осум екипи, а натпреварите би се играле за време на викендите наместо како досега во вторник и среда.

На оваа идеја, асоцијацијата на англиски екипи веднаш се спротивстави и најави дека ќе сторат се што е во нивна можност за да спречи да се реализира оваа идеја.

„Сите клубови едногласно донесоа одлука дека не е прифатливо европската фудбалска организација да донесе решение за календарот во домашните натпревари. Работиме на заштита на Премиерлигата. Фудбалот во Англија е важен дел од културата и секојдневниот живот. Милиони навивачи ги следат натпреварите во Англија и ривалството меѓу екипите се пренесува низ генерациите“ стои во соопштението од асоцијацијата на премиерлигашите.