Англиски седмолигаш не се шегува: Го сака Халанд на позајмица
Седмолигашот во Англија Ештон Јунајтед го привлече вниманието со својата последна објава во која го побара Ерлинг Халанд.
Овој тим кој се натпреварува во аматерските лиги во Англија испратил официјална понуда до Манчестер Сити за позајмица на Норвежанецот Ерлинг Халанд. Ештон Јунајтед сака да го позајми Халанд на 28 дена, односно додека трае паузата за Светското првенство во најсилните првенства.
Интересно е што не се работи само за шега и обична објава на социјалните мрежи. Инфромацијата дека понудата навистина била доставена до „Етихад“ ја потврдија многу реномирани медиуми. Секако, мали се шансите Сити да дозволи Халанд да игра за друг клуб, па дури и ако се работи за аматерски фудбал во седма лига.
Како и да е Ештон Јунајтед барем на „пет минути“ се здоби со огромна популарност во фудбалскиот светот.
𝘾𝙇𝙐𝘽 𝙎𝙏𝘼𝙏𝙈𝙀𝙉𝙏 – 𝙀𝙍𝙇𝙄𝙉𝙂 𝙃𝘼𝘼𝙇𝘼𝙉𝘿#aufc can confirm that an approach has been made for @ManCity striker Erling Haaland.
🔗https://t.co/VvWbpqdd0e#oneclub pic.twitter.com/8tzAq9o2Sy
— Ashton United FC (@AshtonUnitedFC) November 14, 2022