Денеска во првиот натпревар од групата „Д“ во квалификациите за пласман на Светското првенство 2023, најдобрата женска македонска репрезентација загуби со убедливи 8:0 на гостински терен од Англија.

Во првото полувреме на теренот во Саумтептон Тун во 12 минута ја започна гол серијата, Вајт зголеми на 2:0 во 42 минута, а непосредно пред паузата својата сопствена мрежа ја погоди Зивиќ (45`).

Вајт стигна и до вториот погодок во 67 минута, во 77 минута стрелаше Ингланд за 5:0, 120 секунди подоцна автогол си постигна Коларовска.

Ингланд по вторпат се запиша во листата на стрелците во 90 минута, а конечниот епилог го постави Мид (90+1`).

За Македонија настапија Андонова, С. Дервиши, Коларовска, Максути (Димоска 90+1`), Марковска (Р. Дервиши 46`), Мустафа (Милеска 86`), Николовска, Положани, Рочи, Салихи (Петрушевска 78`), Зивиќ.

Во другите два меча од групата Австрија триумфираше кај Летонија со 1:8, а Северна Ирска дома триумфираше против Луксембург (4:0). Австријките се нашиот следен ривал на 21 септември на домашен терен.