Утревечер на „Вембли“ ќе се игра натпреварот вреден 200 милиони фунти, односно Брентфорд и Фулам ќе играат во финалето на баражот за влез во Премиер лигата, а на него се очекува да дебитира новото правило кое се воведе во англискиот фудбал.

Станува збор за ново правило поврзано со пандемијата на коронавирусот, а според кое главниот судија ќе има право да му даде директен црвен картон на фудбалерот кој намерно ќе се накашла кон противничкиот играч.

Фудбалерот кој намерно ќе се накашла кон противникот исто така ќе добие и суспензија од два или три натпревари, а судијата за ваквите случаи ќе има право да ја користи помошта од ВАР-технологијата доколку не биде сигурен во својата одлука.