Селекторот на нашата сениорска репрезентација е задоволен од настапот и победата на неговите фудбалери вечерва против Лихтенштајн (5:0).

Игор Ангеловски вели дека сè што се планираше за овој меч, на крајот беше успешно реализирано.

– Тешко е во фудбалот да остварите ваков убедлив резултат против било која селекција во денешниот фудбал. Планот беше да дојдеме до што повисока победа и воедно играчите добијат повеќе одмор и свежина пред дуелот со Германија. Победата не беше доведена во прашање. Во првиот дел доминиравме на теренот, сакавме уште од стартот на вториот дел да постигнеме погодок, тоа и се случи. Среќен сум од реализацијата, иако можевме на крајот да постигнеме уште некој гол – вели Ангеловски.

Следниот меч „црвено-жолтите“ ќе го имаат на 31 март во Дуизбург против Германија.

Германците денеска запишаа уште еден триумф кај селекцијата на Романија славејќи со 0:1.

ВИДЕО: Барди стрелаше од слободен удар, Трајковски го престигна Христов