Селекторот на фудбалската репрезентација на Македонија, Игор Ангеловски, го објави списокот со кој ќе настапи на историското деби на Европските првенства против Австрија.
На голот е стандардниот Столе Димитриевски, додека одбраната ја сочинува триото Висар Муслиу, Дарко Велковски и Стефан Ристовски, а во средниот ред ќе бидат Бобан Николов, Елиф Елмас Елмас, Енис Барди, Аријан Адеми и Езџјан Алиоски. Нападот ќе го предводат Горан Пандев и Александар Трајковски и ова е тимот кој ја победи Германија пред три месеци во квалификациите за СП 2022.
Австрискиот селектор Франко Фода одлучи најдобриот напаѓач Марко Арнаутовиќ да го остави на клупата, а шанса да му укаже на Саша Калајџиќ од Штутгарт.