Ангеловски: Добивме нови имиња во репрезентацијата

фото: ФФМ

Селекторот Игор Ангеловски е задоволен од прикажаната игра на неговите избраници иако Македонија загуби од Австрија со 2:1.  Ангеловски е задоволен бидејќи во отсуство на неколку стандардни репрезентативци, шанса им даде на дури четворица дебитанти.

– Се одигра квалитетен натпревар, Австрија доминираше во првиот дел, примивме гол кој не смеевме да го примиме. Во вториот дел се ослободивме од притисокот, мислам дека Македонија беше сосема рамноправна на моменти и подобра, иако Австрија поведе брзо и со 2:0. Покрај голот имавме уште две-три одлични шанси. Добивме неколку нови имиња кои потврдија дека заслужуваат да бидат дел од националниот тим. Сите покажаа дека се заслужено тука, не само Влатко Стојановски. Кога ќе загубиш натпревар не може да се биде задоволен, но сите дебитанти заслужено се најдоа на теренот – вели селекторот.

Во последното коло во вторник, на Арената „Тодор Проески“ Македонија го пречекува Израел и со евентуална победа, ќе се дојде до третото место.

– Трето место сите го посакуваме, играчите заслужија да бидат трети на крајот и тоа со победа над Израел. Се надевам дека кошмарот ќе заврши со повредените играчи. Трајковски и Младеновски се повредија. Се надевам дека со повратниците во тимот ќе бидеме подобри. Пандев беше истоштен и мислам дека немаше потреба да ризикуваме. Не е сеедно дали сте трети или четврти, но ние се подговуваме за март и пласман на ЕУРО 2020 и тоа ќе биде награда за играчите – додаде Ангеловски. ,

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот