Ангелов: Пет хеликоптери ќе го гаснат пожарот во Пехчевско
Пет хеликоптери од кои два македонски и три српски се на пат кон Пехчевскиот регион и заедно ќе го гаснат големот пожар што се заканува на околните села, изјави попладнево в.д. директорот на Центарот за управување со кризи (ЦУК) Стојанче Ангелов.
Тој апелира на смиреност и запазување на мерките за безбедност.
– Без паника! Безбедноста на луѓето на прво место! Доколку некој е загрозен од пожарот веднаш нека се оддалечи на безбедно. Нови куќи се прават, нови дрвја ќе пораснат, изгубените животи на луѓето нема да се вратат! Затоа апелираме за запазување на мерките за безбедност. Безбедноста на луѓето на прво место!, се вели во писмената изјава на Ангелов.
Пет хеликоптери се на пат кон Пехчевскиот регион и заедно ќе удрат по големиот пожар.
Без паника!
Безбедноста на луѓето на прво место!
Доколку некој е загрозен веднаш нека се одалечи на безбедно.
Нови куќи се прават, нови дрвја ќе пораснат, изгубените животи нема да се вратат!— Stojanche Angelov (@StojanceAngelov) August 4, 2021
Претходно во Пехчево заседаваше Кризниот штаб на кој беа утврдени насоки на делување за справување со пожарот.
Градоначалникот Драган Тренчовски изјави дека Пехчево се преземени мерки и побарана е помош за справување со пожарот.
– Лоша е ситуацијата со пожарот бидејќи се префрли и дојде во делот над селата Робово и Умлена. Пожарот е високо на шумските предели над селата, но се шири на голема површина. На терен се екипи на ТППЕ од Берово и Пехчево, како и од Шумското стопанство, Центарот за управување со кризи и ДЗС, а имаме насоки дека ќе добиеме поддршка од воздух, односно треба да пристигнат два хеликоптера. Исто така, имаме насоки дека ќе добиеме помош од соседна Бугарија од каде е испратена екипа со 25 луѓе, информираше Тренчовски.