Анџелина Џоли: Почит за храбрите, пркосни, бестрашни жени на Иран
Позната оскаровка и хуманитарка Анџелина Џоли преку социјалните мрежи ја искажа поддршката на протестите кои траат во Иран по смртта на 22-годишната Махса Амини.
За потсетување, Амини почина на 16-ти септември во Иран откако ја привела државната полиција за морал по наводно кршење на правилата за облекување. Веднаш по нејзината смрт избија протести, а во немирите кои сè уште се во тек и се одвиваат и ширум Европа, бројни жени во нивен знак ги палеле хиџабите и ги сечеле косите.
View this post on Instagram
Актерката на својот инстаграм – профил споделила неколку фотографии направени на улиците на Иран, подигнувајќи ја свеста за моменталната ситуација на Блискиот Исток.
„Почит за храбрите, пркосни, бестрашни жени на Иран. Сите оние кои преживеале и се спротивставувале со децении, сите оние кои денес излегуваат на улица, Махса Амини и на сите млади Иранки како неа“ – стои во описот на објацата на Џоли.
View this post on Instagram
Оскаровката продолжува со нејзината долга објава:
„На жените не им треба надзор над нивниот морал, преедуцирање на нивните умови или контролирање на нивните тела. Потребна им е слобода да живеат и да дишат без насилство и закани“, заклучила 47-годишната актерка.
На својот профил, Џоли накратко објаснила за конфликтот кој се случува во земјата и напишала дека протестите во Иран се одржуваат 12-та ноќ по ред, а започнале како одговор на смртта на 22-годишната девојка.
„Од почетокот на протестите, интервентната полиција ги нападнала демонстрантите користејќи брутална сила, а наводно се убиени повеќе од 70 луѓе“, додала славната актерка.