Андоновски и САД обезбедија четвртфинале на женскиот фудбалски турнир во Токио
Македонскиот тренер Влатко Андоновски кој е селектор на женската фудбалска репрезентација на САД обезбеди пласман во четвртфиналето на Олимписките игри во Токио.
Во последното трето коло во групата „Г“ Американките ремизираа без голови (0:0) со Австралија, но и покрај ваквиот исход на крајот го освоија второто место зад Швеѓанките кои ја завршија групната фаза со три максимални победи.
За пласман во полуфиналето САД ќе игра против првопласираната селекција од групата „Ф“, таму после две кола првопласирани се Холаѓанките со четири бодови, колку и Бразилките, а по еден Кина и Замбија.
Во последните мечеви Холандија игра со Кина, а Бразил ја има фаворитската улога на мечот со Замбија.
И Велика Британија се промовираше како четвртфиналист од групата „Е“, има две победи, а Канада е второпласирана со четири бодови. Следува Јапонија со еден бод, пред Чилеанките кои имаат два порази.
Британките ќе играат во последното трето коло против Канада, а Чиле со домаќинот Јапонија.