Андоновиќ: Трамп удри по оружјето од кое пукаше

Американскиот претседател Доналд Трамп се закани со дополнително регулирање или затворање на социјалните медиуми. Причина за оваа најава се вчерашните предупредувања на социјалната мрежа Твитер која ги предупреди корисниците да ги проверат фактите од некои негови твитови. На обвинувањето дека шири лажни вести Трамп возврати со напад врз Твитер, мрежата која за целиот свој 4 годишен претседателски мандат му беше главното оружје за пресметка со политичките противници. „Твитер целосно ја задушува слободата на говорот и јас, како претседател, нема да го дозволам тоа!“, напиша Трамп.

Спорни за Твитер се постовите во кои американскиот претседател без да обезбеди докази, во неколку раноутрински постови ги повтори своите обвинувања за политичката пристрасност на технолошките платформи, велејќи: „Републиканците сметаат дека платформите на социјални медиуми целосно ги замолчуваат гласовите на конзервативците“.

Тој најави дека или ќе ги регулира или пак ќе ги затвори оние социјални мрежи кои според Трамп, не ја пренесуваат вистинската слика.

Со синиот извичник корисниците се предупредуваат да ги „проверуваат податоците за дописното гласање“ и се пренасочуваат на страницата со новински написи и информации што Твитеровиот тим за проверка на факти ги дознал за тврдењата на Трамп.

Сите овие најави укажуваат дека престедателската трка во САД е во полн ек. Од друга страна Трамп кој се соочува со намален рејтнг поради неговото лошо справување со пандемијата на коронавирусот, ги обвинува платформите на социјалните мрежи за мешање во последните избори, во 2016 година кога преку нив беа изведувани главните политички нападии обвинувања против Трамп велејќи „видовме што се обидоа да направат, и не успеаја, во 2016 година“.

Во екот на војната со Твитер продолжуваат и тензиите околу Кина. По плагијаторство, трговијата, пандемијата сега Вашингтон и Пекинг копјата ги кршат околу автономијата нја Хонгконг. Обидот на Кина да воведе кинеско законодавство, наместо британското, кое во оваа поранешна британска колонија беше на сила, ги предизвикаа САД да ги преиспитаат своите трговски односи кон Хонгконг. Американскиот државен секретар Мајк Помпео го извести Конгресот дека администрацијата на претседателот веќе не смета дека Хонг Конг е област што е автономна од Кина. Со оваа објава на американските законодавци им се отвора патот на САД да го укинат преференцијалниот трговски и финансиски статус на таа поранешна британска колонија, кој го има откако е вратена под управа на Кина во 1997 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот