Светската здравствена организација му даде ново име на коронавирусот, а тоа е Ковид 19. Новата вакцина за вирусот ќе биде готова за 18 месеци.

Вчера беше најсмртоносен ден од вирусот па така за еден ден починаа речиси 100 лица. Бројот на заразени во Кина се искачи на 44.653 лица, додека бројот на починати порасна на 1.016 лица.

Кинезите во обид да ја спречат заразата ги дезинфицираат градовите. Државната новинска агенција Синхуа постави видео снимка на својот Твитер налог, на која се гледа како десетици камиони во колона во градот Лоуџанг распрснуваат дезинфекциски спреј и на тој начин помагаат во спречување на ширењето на коронавирусот.

Кинеската кобра е најверојатно оригиналниот извор на новооткриениот корона вирус, што зимава се појави во Кина, откриваат научниците. Со тоа се зголемува можноста вирусот да преминал од лилјаци на змии, а потоа и на луѓето, преку пазарот во Вухан каде се продаваат најразлични животни видови.

Кинеската кобра е можно да е оригиналниот извор на новооткриениот корона вирус, што зимава се појави во Кина, откриваат научниците.

Сите шпекулации за тоа од каде се појави овој тип на нов вирус како и по кој метод се распространува ќе се зголемуваат, се додека не се открие вистинската причина за тоа дали е нов тип на природен вирус или пак вештачки создаден од некоја воена лабораторија, анализира новинарот Дејан Андоновиќ, за Утрински брифинг на „Слободна ТВ“.

Појавата на коронавирусот и неговото брзо ширење допринесе за брз раст на цената на храната во Кина. Според Националната канцеларија за статистика на оваа земја, речиси сите намирници во јануари поскапеле за 5,4 отсто.

Станува збор за најголема брзина на раст на цените од октомври 2011 година, кога Кина со месеци се бореше со инфлација.

Најмногу е поскапена храната, а свинското место, кое се смета за главен продукт во исхраната на Кинезите, достигна релативно висока цена поради вирусот, поради што сега е поскапо за 116 отсто во однос на минатата година. Цените на зеленчукот исто така се пораснати за 17 отсто.

Освен тоа, здравствената нега е поскапа за 2,3 отсто, а цените на облеката за 0,6 проценти. Според Националната канцеларија на Кина, коронавирусот, од кој починаа повеќе од 900 луѓе, значително влијаел врз растот на цените. Епидемијата на вирусот го наруши производството и транспортот на храна, особено од моментот кога неколку кинески градови се во изолација, за да се спречи неговото ширење.

Владата на Кина, свесна за висината на инфлацијата, објави дека ќе го засили увозот на месо и секојдневни намирници, како и дека ќе пушти во промет 90.000 тони свинско месо и 43.000 тони зеленчук од својот централен резервоар.

На крајот на јануари, супермаркет во Шангај е казнет со 290.000 долари откако ги зголемил цените за 692 отсто, додека во градот Џенгџу во централна Кина, супермаркет е казнет со 71.600 долари поради тоа што во него зелката се продавала за два долари по килограм.

Врховниот суд на Кина неодамна најави дека подигањето на цените ќе може да биде казниво и со затвор.