Анџелина Џоли работи на програма за коронавирус за тинејџери
Холивудската ѕвезда и поборник за човекови права на ОН, Анџелина Џоли, ќе помогне во креирање програма на BBC за пандемијата на коронавирусот за тинејџери, објави телеизиската куќа.
BBC World Service објави дека ќе учествува во својство на извршен продуцент на серијата „My World“ за тинејџерите ширум светот, за да се создаде посебна дигитална содржина за пандемијата во текот на следните неколку недели. Содржината ќе биде објавена преку Јутјуб каналот на BBC и на глобалните платформи, вклучувајќи ги и неанглиските.
Програмата ќе содржи совети за тоа како да се препознаат штетните дезинформации, искуствата на младите во услови на ограничување на движењето и совети за онлајн-учењето.
„Вакви размери на неодење во училиште не се забележени од Втората светска војна“, рече Анџелина во соопштението што го објави BBC.
„Тоа е нешто што ќе го помнат цел живот. Тоа е нешто што постарите генерации не го искусиле.
Начинот на кој децата го преживуваат ова време – од средствата за информирање и информациите до кои можат да дојдат до начинот на кој комуницираат и си помагаат едни на други“, додава Џоли.