Италијанецот минатата седмица доби отказ во Наполи, иако оваа екипа успее да ја однесе до осминафиналето во Лигата на шампионите.

На клупата на „наполитанците“ во чии редови настапува нашиот Елмас седна поранешната ѕвезда на Милан, Џенаро Гатузо кој дебитираше со пораз.

Анчелоти (60) е главен кандидат за клупата на Евертон кој неодамна се раздели со Марко Силва. „Карамелите“ му нудат договор до 2022. година дознава „Газета дело Спорт“.

Успешен дел од својата тренерска кариера ја помина во Англија каде што го тренираше Челзи од 2009 до 2011 година. Со лондонските „сини“ успеа да освои три трофеи: Премиер лига, ФА Куп и Комјунити Шилд.

Претходно ги водеше уште Реал Мадрид и Баерн Минхен. Евертон е моментно дури на 16. место на табелата, со само пет победи во 17. одиграни кола.