Карло Анчелоти вечерва и официјално беше претставен како нов тренер на Реал Мадрид.
Италијанецот на промоцијата пред новинарите истакна дека му претставува големо задоволство што повторно се враќа во Мадрид и најави дека целите ќе бидат највисоко, а притоа екипата ќе игра офанзивен и атрактивен фудбал.

Анчелоти по шест години повторно се врати на клупата на Реал Мадрид со кого потпиша тригодишен договор откако Зинедин Зидан ја напушти клупата.
Интересно е што кога Анчелоти во 2015 година си замина од Реал Мадрид беше наследен токму од Зидан, а сега ситуацијата е обратна.

👕 #WelcomeBackAncelotti@MrAncelotti | #HalaMadrid pic.twitter.com/rlXvbQYrvh

— Real Madrid C.F. (@realmadrid) June 2, 2021

– Карло Анчелоти не е истиот Карло од пред шест години, имам поголемо искуство. Се чувствував добро во Евертон, но и негативното искуство ви помага да напредувате. Да се тренира Реал е преубава одговорност, тоа е најголемиот клуб на светот и затоа е нормално да се има поголема одговорност. Ја прифаќам одговорноста и ќе работам како што работев во минатото, имам квалитетен тим со многу искусни играчи како Бејл, Крос, Модриќ, Бензема, Рамос, Родриго, Винисиус, Валверде…. – се првите зборови на Анчелоти во вториот мандат на клупата на Реал Мадрид.

✍️ @MrAncelotti firmó el contrato en la Ciudad Real Madrid acompañado por el presidente Florentino Pérez.#WelcomeBackAncelotti pic.twitter.com/5DiT5xMNDC

— Real Madrid C.F. (@realmadrid) June 2, 2021

Италијанецот е свесен дека целите на Реал Мадрид се највисоки и најави дека ќе атакува на единствениот трофеј кој не го освои во првиот мандат, тој за шампион во Ла Лига.
– Сите знаат кои се целите на Реал, да се освојат титулите во Ла Лига, Лигата на шампионите и кралскиот Куп. Нормано е дека ќе има и критики бидејќи ова е најпопуларниот клуб на светот. Да се тренира најголемиот клуб на светот носи голема одговорност и понекогаш работите нема да одат во посакуваната насока. Но, најважна работа е да се почитуваат другите, тренерите, играчите, новинарите – вели Анчелоти кој вети дека неговиот Реал ќе игра офанзивен и атрактивен клуб.

– Традицијата на Реал Мадрид е да игра спектакуларен фудбал. Во последните години фудбалот се промени, стана поагресивен и поорганизиран,  а исто така се променија и некои правила. Но, во Реал секогаш е исто: офанзивен и атрактивен фудбал е тоа што историјата и навивачите го бараат.

🎙️👔 𝙀𝙉 𝘿𝙄𝙍𝙀𝘾𝙏𝙊 | ¡La rueda de prensa de @MrAncelotti tras su vuelta al @RealMadrid!#WelcomeBackAncelotti https://t.co/nIoI97S92n

— Real Madrid C.F. (@realmadrid) June 2, 2021