Анчелоти по шокантниот пораз од Шериф: Тешко е да се објасни
Тренерот на Реал Мадрид, Карло Анчелоти вели дека сите во клубот се тажни по шокантниот пораз од Шериф Тираспол.
„Кралевите“ непријатно ги изненадија своите навивачи губејќи на „Сантијаго Бернабеу“ со 1:2 од молдавскиот тим чиј член е и Бобан Николов.
– Тажни сме, повеќе сме тажни отколку загрижени. Игравме со висок интензитет но некои детали во играта не чинеа победа. Можевме да бидеме попрецизни во завршницата. Шериф добро се бранеше и тешко е да се објасни… – вели Анчелоти чии фудбалери врзаа два натпревари без победа.
Изненадувачки, по две кола во Лигата на шампионите, Шериф е лидер на табелата во групата Д со шест бода, Реал Мадрид има три, а Интер и Шахтјор по еден бод.
Во третото коло, Шериф го очекува пресметка со италијанскиот шампион Интер, додека Реал Мадрид му гостува на Шахтјор.
