Ова прашање загрижи многу фанови на славниот клуб. Тренерот на Реал Мадрид, Карло Анчелоти уверува дека хрватскиот ас Лука Модриќ ќе се пензионира во дресот на „кралевите“.

Италијанскиот стратетег на тој начин одговори на гласините дека Јувентус испратил понуда до Хрватот да дојде во Торино како слободен играч на лето.

Модриќ веќе 10 години е креатор на играта на Реал и еден од клучните играчи на клубот по доаѓањето од Тотенхем.

Тој освои четири трофеи во Лигата на шампионите, зад себе го има финалето на Светското првенство со Хрватска и „Златната топка“ за 2018 година.

Но, во последно време, поради неговата возраст, а се ближи до 37 роденден (9 септември), се повеќе се зборува за заминување од „Сантјаго Бернабеу“.

Анчелоти воедно истакна дека е Реал Мадрид е среќен поради новото засилување Винисиус Тобијас од Шахтјор и дека во овој фудбалер има многу квалитет и потенцијал. Тој е дел од проектот на клубот и на кого ќе се смета во иднина.

Carlo Ancelotti confirms: “Luka Modrić will finish his career here at Real Madrid. I don’t know when but it will happen – this is the idea of the club and Luka”. ⭐️🇭🇷 #RealMadrid

“Modrić won't have problems to renew the contract – I compare him to Paolo Maldini”. pic.twitter.com/5ZR0cmtDpd

— Fabrizio Romano (@FabrizioRomano) April 16, 2022

– Лука Модриќ ќе ја заврши кариерата тука во Реал Мадрид. Не знам кога, но ќе се случи. Ова е идеја и на клубот и на Лука. Модриќ нема да има проблеми да го продолжи договорот. Го споредувам со Паоло Малдини – вели Анчелоти.