Додека голем број авто – компании за време на пандемијата „се фрлија“ на производство на респиратори и маски за лице, Тесла собираше плодови на својата „зелена политика“, како единствен профитер меѓу лидерите во оваа индустрија.

„Џенерал моторс“ секако не беше изземен за време на кризата иако Трамп кон крајот на март потпиша указ со кој ја обврза компанијата своето производство да го пренасочи кон производство на заштитна опрема.

Покрај туризмот и авио – индустријата, оваа гранка претрпи најголема загуба, и дури сега почнува полека да се опоравува.

„Џенерал моторс“ забележа нето загуба во вториот квартал од 758 милиони долари, или 56 центи по акции во однос на профитот од 2,4 милијарди долари во истиот период претходната година.

Сепак овој гигант не изнесе прогноза за заработката на годишно ниво, но констатираше дека билансот на крајот од вториот квартал изнесувал 30,6 милијарди долари. Во второто тримесечје е забележан почеток на опоравување во прометот и во малопродажбата, по падот од 35 отсто во април.