Изгледа дека ова ќе биде сезона за заборав за фудбалерите на Манчестер јунајтед, овојпат „црвените ѓаволи“ овојпат во Премиер лигата загубија од Тотенхем.

Бројните проблеми со повредите, како и лошата реализација беа главните причини за новиот пораз. За настапот на натпреварот проговори и Рубен Аморим, тренерот на Манчестер јунајтед:

– Тоа беше најголемата разлика. Тие погодија, ние не. Имавме шанси за гол, нападнавме малку посилно во првото полувреме. На крајот, погодија, ние не. Во некои ситуации моравме да ризикуваме, најтешко е да создадеме прилика за гол. Денеска создадовме шанси, но мора да ги искористите ако сакате да победите – изјави Аморим.

На прашањето дали е загрижен за својата позиција поради лошите резултати, Аморим вели:

– Не сум загрижен. Ги разбирам нашите навивачи, ги разбирам луѓето и медиумите кои размислуваат за тоа. Сакам да го завршам првенството на вистински начин, не сум загрижен за себе, за клубот, за играчите, за тимот. Мразам да губам, тоа е најлошото чувство. Не размислувам за други работи. Она што најмногу ме загрижува е нашата позиција на табелата. Не сум загрижен за себе – вели Аморим.

Манчестер јунајтед моментално е на 15 место во Премиер лигата со 29 бодови, 12 повеќе од Ипсвич таун и Лестер сити кои се во опасната зона за испаѓање, а Саутемптон е на последната 20 позиција со девет бодови.