Минатата година подморница удрила во светски познатите остатоци на бродот Титаник, но американската влада информациите за овој инцидент досега ги држеше во тајност, речено е на суд.

Властите на САД не соопштиле дека подморница вредна 35 милиони долари, која ја ангажирала британска компанија, удрила во потонатиот брод, пишува британски „Телеграф“ откаде добиле увид во судскиот процес.

Лидерот на експедицијата признал дека подморницата Тритон удрила во остатоците на Титаник во јули минатата година кога пилотот изгубил контрола над пловилото поради „исклучително силни и многу непредвидливи струи“. Тритон се приближил на остатоците на легендарниот брод за на тимот на авантуристи да им сними нови фотографии од Титаник.

Станува за прв познат судир на некоја подморница со историскиот Титаник откако во 1985 година е се пронајдени остатоците од бродот на дното на океанот.

Компанијата за авантуристички патувања EYOS го потврди инцидентот, но наведе дека за време на судирот немало никакво значајно оштетување на остатоците од бродот. Меѓутоа, научниците информираат дека било какво дополнително загрозување на структурата на остатоците може да предизвика нејзино побрзо пропаѓање.