Американскиот министер за финансии Стивен Мнучин денес одговори на повикот на активистката Грета Тунберг да се откаже од фосилните горива и посочи дека ќе го уважи нејзиното мислење дури кога таа ќе заврши соодветен факултет.

– Дали таа е главен економист? Откако ќе заврши економија на факултет, може да дојде и да ни го објасни тоа – рече Мнучин на прес-конференцијата за новинарите во Давос.

Тој додаде дека е погрешно сфатен ставот на Соединетите Американски Држави.

– Политиката на САД е погрешно интерпретирана. Да бидам јасен, претседателот Доналд Трамп апсолутно верува во чистиот воздух, чистата вода и незагадената животна средина – посочи Мнучин.