Индексот на доларот, кој го следи движењето на шест водечки светски валути утрово падна на 100,78 поени откако вчера тргувањето се заврши на ниво од 101,55 бодови.

Во однос на јапонскиот јен вредноста на доларот се намалува за 0,4 проценти, и сега таа изнесува 110.70 јени во споредба со вредноста од вчерашното тргување на берзите кога еден долар се продаваше за 111,15 јени.

Еврото бележи раст во однос на доларот. Соодносот на вчерашното тргување на пазарот на валути беше 1 евро = 1,0795 долари а денеска тој сооднос е 1 евро = 1,0915 долари.

Во однос пак на вчерашното тргување со автралиските долари тие забележаа пад во однос на американскиот од 0.6 отсто, а во однос на јенот за 1 процент.