6.8 C
Скопје

Американскиот амбасадор во БиХ: Државата е во неодржлива ситуација

Американскиот амбасадор во Босна и Херцеговина, Ерик Нелсон ги повика граѓаните во државата да извршат притисок врз владеачките елити за потребните политички, економски и социјални промени во општеството. Како прва прилика за тоа, тој повика да се искористат претстојните локални избори закажани за 15 ноември.

– Малку ќе се промени ако вие, обични граѓани, не го сторите својот дел, ако не одбиете да платите мито, ако не посочите загуби, корупција, изборни нерегуларности. Ако не зборувате гласно и јасно и што е најважно, ако не гласате да ги повикате своите одговорни водачи, наведе амбасадорот Нелсон во авторски текст на неговиот блог.

Нелсон потсети на податоците од проценката на Агенцијата за меѓународен развој (УСАИД) на САД објавена на почетокот на октомври, во која се анализирани предусловите за формирање на самоодржливи држави. БиХ се справи доста лошо во таа проценка (Self Reliance Roadmap) затоа што критериумите применети од УСАИД велат дека земјата тешко заслужува преодна оценка кога станува збор за категории како што се либерална демократија и отворена влада, ефикасност на владата, економска политика, претприемништво.

Прочитајте и...  Пензионерите бараат приоритет за вакцинирање против ковид-19

Самоодржливоста е дефинирана во анализите на УСАИД како можност за планирање, финансирање и спроведување на решенија за локалните развојни проблеми, како и заложба за нивно ефективно и одговорно спроведување, односно ситуација во која една земја може да ги реши своите проблеми и да управува со својот развој без меѓународна поддршка.

Нелсон им порача на своите граѓани дека тоа не може да се промени без нивни ангажман, што мора да ги принуди владеачките политички структури да го променат сегашното однесување. Потребата од промени е поголема, бидејќи сите достапни показатели покажуваат дека БиХ постојано заостанува во постигнувањето на поставените критериуми за самоодржливост од 2013 година, нагласи амбасадорот.

– Без поголема посветеност на владините претставници за промена на ситуацијата, статус-кво состојбата или спиралата на опаѓање ќе продолжат”, рече Нелсон.

Прочитајте и...  Шарл Мишел: Следната недела важен самит на ЕУ во Брисел, физичкото присуство на лидерите е неопходно

Тој ги предупреди граѓаните на БиХ дека практиката на владеачките партии да ги користат јавните претпријатија како „политички банкомати” за зајакнување на нивната моќ и контрола на гласачкото тело мора да заврши што е можно побрзо.

Поврзани вести

Германија веќе се подготвува за нова пандемија

Слободен печат

ВИДЕО: Историски чекор кон декриминализација на марихуаната во САД

Слободен печат

Вирусолог од Вухан: Во Азија има уште коронавируси кои можат да се пренесат на луѓето

Слободен печат

Судот го презакажа судењето за убиството на Оливер Ивановиќ

Илинка Иљоска

Села: Одредени пратеници ќе ја злоупотребуваат можноста за онлајн-присуство

Слободен печат

Николов: Изградба на 100 типски куќи за социјално ранливите, во 21 век секој заслужува топол дом

Слободен печат

Остави Коментар