Двајца поранешни полицајци од Јужна Флорида минатиот месец врзале лисици на бездомник и го однеле во изолирана област, каде што го претепале, пренесува американски Еј-Би-Си.

Полицајците во Хиалеа, Рафаел Отано и Лоренцо Офила, кои оттогаш се отпуштени, реагирале на дојавата за нарушување на мирот во пекарница нешто по 17 часот. На 17 декември тие го виделе 50-годишниот Хозе Ортега Гутиерез, бездомник кој често шетал низ областа и од претходно и бил познат на полицијата, изјави државниот обвинител Кетрин Фернандез Рундл.

22-годишниот Офила, наводно, му ставил лисици на Ортега Гутиерез и го ставил во задниот дел на полицискиот автомобил, рече Фернандез Рундл, додавајќи дека снимките од надзорот од областа не даваат докази за неговото приведување.

Наместо да го стават Ортега Гутиерез во локален затвор, Офила и Отано (27), наводно го однеле десет километри подалеку, на „изолирано и темно место, против негова волја“, рече Фернандез Рундл на прес-конференција.

Кога пристигнале, полицајците наводно го фрлиле на земја Гутиерез, кој сè уште бил врзан со лисици, и го претепале, рече таа, додавајќи дека Гутиерез подоцна сведочел дека се разбудил сам, без лисици, а главата му крварела.

Полицаец од Хиалеа кој не бил на должност го забележал Гутиерез, кој го шетал своето куче, како се враќа по инцидентот и повикал 911. Обвинителите го уапсија и Али Амин Салех, за кој велат дека се обидел да го поткупи Гутиерез за да молчи што му се случило.

Гутиерез им рекол на истражителите дека Салех му понудил повеќе од 1.000 долари и го притиснал да потпише изјава дека полицајците не го нападнале, иако тој не знаел да чита, рече Рандл. Офила и Отано се обвинети за вооружено киднапирање и им се заканува доживотен затвор.