Дебра Гроденски, Сузет Моран, Трејси Палмеро и уште три неименувани жени, месецов поднесоа три тужби против Пливачката федерација бидејќи не ги заштитила од сексуално злоставување на поранешните тренери на репрезентацијата Мич Ајви и Ендрју Кинг, како и поранешниот диркетор на репрезентацијата, Еверет Учијама.

Поранешните пливачки тврдат дека Федерацијата знаела што се случува но дека не сакала да реагира и така да спречи десетици случаи на сексуално вознемирување.

– Моето сексуално вознемирување можеше да се спречи 100 проценти. Веруавн дека мојот живот ќе беше драстично поинаков доколку Федерацијата го реагираше – изјави 51-годишната Дебра Гроденски, кој открива дека со години се мачи со депресија поради траумите.

Сузет Моран изјави дека исто така со години се мачела со депресијата и дека се уште има трауми. Таа истакна дека имала само 12 години кога Кинг ја тренирал, а Ајви јас злоставувал. На 17 години останала бремена но неколку месеци пред Олимписките игри во 1984 година абортирала.

Трејси Палмеро призна дека Учијама ја злоставувал кога таа имала 14 години, а тренерите иако знаеле ништо не преземале.

– Ми требаа околу 15 години за да сфатам дека сум жртва на сексуално злоставување. Поднесов тужба бидејќи сакам да видам промени во американското пливање – изјави Палмеро.

Медиумите во САД објавија дека Ајви во 1993 година добил отказ која се појавија првите обвинувања за сексуално злоставување, додека вториот тренер Кинг е осуден на 40 години затвор поради злоставување на малолетни деца.