Познатиот американски новинар, Бил Симонс има една од најлудите прогнози во последно време поврзани со НБА лигата, Симонс очекува Леброн Џејмс да се пресели во Далас кај Лука Дончиќ.

Навистина едно вакво сценарио изгледа неверојатно, но не треба да се заборави и дека Симонс во 2018 година прв прогнозираше дека Леброн ќе заигра за Лејкерс што подоцна и се случи. Прогнозата доаѓа кога Далас е во незавидна позиција и е многу блиску да го пропушти плеј-офот, иако во своите редови покрај Дончиќ го доведе и Кајри Ирвинг.

Во својата изјава Симонс прво го спомна кошаркарот на Голден Стејт, Дремон Грин, за потоа да го додаде и Леброн.

„Мислам дека Грин може да заврши во Далас покрај Кајри и Лука, а Леброн ќе најде начин да им се придружи. Тоа е мојата прогноза“, изјави Симонс и предизвика многу реакции на социјалните мрежи.

Сепак, тој не е се изјасни дали очекува ова да се случи во блиска иднина или понатаму. Треба да се потсети и дека Леброн во минатото неколку пати изјавуваше дека би сакал да дочека неговиот син да влезе во НБА и заедно да заиграат во ист тим. Исто така „кралот“ не криел и дека е голем фан на играта на Лука Дончиќ, па можеби ќе ги видиме некогаш и заедно, времето ќе покаже.

Bill Simmons ha soltado esto en su podcast:

“Creo que Draymond Green termina en Dallas la próxima temporada con Kyrie Irving y con Luka Doncic. Después , LeBron James tratará de encontrar una manera de llegar allí casualmente. Sí, habéis oído bien, esa es mi predicción”

🤯 pic.twitter.com/wTtZf4wLza

— Pasion Basket (@PasionBasketNBA) March 30, 2023