Американски воен хеликоптер утрово се урнал во близина на Ормускиот Теснец, а претседателот Доналд Трамп изјави дека двајцата членови на екипажот се спасени, објави „Телеграф“.

Причината за несреќата, која се случи во тесниот морски премин што во голема мера е под контрола на Иран, сè уште не е позната.

„Никој не е повреден. Утре ќе објавиме извештај. Но, пилотите се добро“, изјави Трамп.

Иранските државни медиуми ја потврдија несреќата, но не објавија дополнителни детали.

Борбените хеликоптери „апачи“ се клучен дел од американските воени капацитети во обидите да се спречи транспортот на иранска нафта низ овој важен поморски коридор.

Блискиот Исток и понатаму се соочува со последиците од вчерашните воздушни напади меѓу Иран и Израел, кои дополнително го зголемија притисокот врз кревкото примирје што моментално е во сила во регионот.

ФОТО | Соборен е американски борбен авион, пилотот паднал во рацете на Иранците