Американската армија ќе ги брка од работа невакцинираните војници

Американски војници се вакцинираат против ковид/ Фото EPA/EFE

Американските војници кои не сакаат да се вакцинираат против ковид-19 веднаш ќе бидат отпуштени, објави денеска копнената војска на САД нагласувајќи дека тоа е неопходно за да се одржи борбена готовност, јавија американските медиуми.

– Мерката се однесува на редовните војници, резервистите и питомците, освен за оние кои имаат потврда за ослободување од вакцинација, се наведува во соопштението.

Пентагон воведе задолжителни вакцини за сите активни припадници на војската во август 2021 година. Поголемиот број војници примиле најмалку една доза од вакцината, а 79 починале од последици на коронавирусот.

– Борбената готовност зависи од војниците кои можат да тренираат, да патуваат, да се борат и да победуваат во војни. Невакцинираните војници се ризик за војската и ја загрозуваат подготвеноста, изјави високиот воен претставник Кристин Вормут.

Другите армиски родови, вклучително и воено воздухопловните сили, веќе почнаа да отпуштаат војници кои ја одбија вакцината, што првпат беше одобрена за итна употреба во декември 2020 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот