Американците полудеа по руската апликација – половина милион нови корисници за 4 дена
Повеќе од половина милион Американци ја презедоа руската апликација Телеграм за само 4 дена, од минатата среда до неделата, по гасењето на налогот на Доналд Трамп на Твитер и отстранувањето на апликацијата Парлер.
Телеграм така стана втора најбарана апликација во САД, зошто Американците бараат алтернатива за големите корпоративни социјални мрежи.
Телеграм, социјалната мрежа и сервис за безбедна размена на пораки, која е креирана во Русија преземена е 545.000 пати во периодот меѓу 6. јануари и неделата 9. јануари, три пати повеќе отколку во истиот период претходната седмица, јави американската телевизија Фокс Њуз.
Telegram is celebrating the addition of 25 million new users in the past 72 hours! pic.twitter.com/va56tWBUff
— JessyLucy (@JessyLucy4) January 13, 2021
Масовниот „егзодус“ на Американците кон другите социјални мрежи следуваше зошто тие потешко се контролираат, за разлика од традиционалните, како што се Фејсбук или Твитер, но и поради политиката на корисници која ја спороведуваат мејнстрим социјалните мрежи, објави Њујорк Тајмс.
Телеграм во последните 72 часа доби 25 милиони нови корисници, рече основачот на оваа мрежа Павел Дуров. Тој откри дека 38 проценти од новите корисници дошле од Азија, 27 од Европа, 21 отсто од Латинска Америка, 8 отсто од Блискиот Исток и од Северна Африка, пренесува порталот ПЦНен.
Фокс Њуз наведува дека руски Телеграм во голема мера профитирал зошто корисниците масовно ја напуштаат американската апликација за размена на порака ВотсАп, во сопственост на Фејсбук, поради измена на условите за користење со кои е нарушена приватноста на корисниците.
Апликацијата „Signal“ доби над 810.000 нови корисници кои „побегнаа“ од „WhatsApp“